APL: "Turan Tovuz" rəsmən avrokuboklarda, "Neftçi"dən növbəti qələbə - YENİLƏNDİ
Azərbaycan Premyer Liqasında 31-ci tura yekun vurulub.
"Mediasport" xəbər verir ki, üçüncü oyun günündə iki qarşılaşma baş tutub.
Bürünc medallara iddialı "Turan Tovuz" evdə çempionatın autsayderi "Karvan-Yevlax"ı sınağa çəkib.
Minimal hesablı qələbə qazanan tovuzlular 3-cü pilləni qarantiləyərək 32 illik fasilədən sonra avrokuboklara vəsiqə qazanıblar.
"Neftçi" isə "Şamaxı"ya 3 cavabsız qol vurub.
Qalan iki turda "Turan Tovuz" uduzsa və "Neftçi" bütün görüşləri qalib başa vursa, xallar bərabərləşəcək, lakin PFL-in reqlamentinə əsasən, daha çox qələbə sayına görə avrokubok vəsiqəsi Kurban Berdiyevin komandasının payına düşəcək.
Bu tur "Karvan-Yevlax"ın da liqadan düşəcəyi təsmiləşib.
Xatırladaq ki, turun əvvəlki görüşlərində "İmişli" "Zirə" ilə (0:0), "Qəbələ" "Qarabağ"la (1:1) heç-heçə edib, "Sabah" "Kəpəz"ə (0:1), "Araz-Naxçıvan" "Sumqayıt"a (1:2) uduzub.
Azərbaycan Premyer Liqası. 31-ci tur
Turan Tovuz" - "Karvan-Yevlax" 1:0
Qol: Ayxan Hüseynov, 45+1.
Hakimlər: Əkbər Əhmədov, Akif Əmirəli, Zeynal Zeynalov, Niyaz Əhmədov
VAR: Elçin Məsiyev
AVAR: Namik Hüseynov
Tovuz şəhər stadionu
"Neftçi" - "Şamaxı" 3:0
Qollar: Emin Mahmudov, 1, İmad Fərəc, 47, Breno Almeyda, 83.
Hakimlər: Tural Qurbanov, Cəmil Quliyev, Asiman Əzizli, Rövşən Rəcəbov
VAR: Rəşad Əhmədov
AVAR: Müslüm Əliyev
"Palms Sports Arena"
