"Turan Tovuz" "İmişli" ilə qarşılaşır, "Neftçi" "Şamaxı" ilə üz-üzə gələcək
Azərbaycan Premyer Liqasında 2025-2026-cı illər futbol mövsümünün birinci turunun oyunları davam edir.
"Mediasport" xəbər verir ki, ikinci oyun günündə iki qarşılaşma baş tutacaq.
Kurban Berdıyevin baş məşqçisi olduğu "Turan Tovuz" çempionatın debütantı "İmişli" ilə Şamaxıda üz-üzə gələcək.
Ötən mövsüm uğursuz çıxış edən və avrokuboklardan kənarda qalan "Neftçi" doğma azarkeşlər önündə "Şamaxı"nı qəbul edəcək.
Xatırladaq ki, mövsümün və turun ilk oyununda - "Karvan-Yevlax" - "Qəbələ" matçında heç-heçə qeydə alınıb (1:1).
Azərbaycan Premyer Liqası. 1-ci tur
16 avqust (şənbə)
17:00 "İmişli" - "Turan Tovuz"
Hakimlər: Kamal Umudlu, Namiq Hüseynov, Vüsal Məmmədov, Cavid Cəlilov
VAR: Tural Qurbanov
AVAR: Eyyub İbrahimov
Hakim-inspektor: Ramil Diniyev
AFFA nümayəndəsi: Eldəniz Musayev
Şamaxı şəhər stadionu.
20:00 "Neftçi" - "Şamaxı"
Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov
VAR: İnqilab Məmmədov
AVAR: Şirmamed Mamedov
Hakim-inspektor: Babək Quliyev
AFFA nümayəndəsi: Rüfət Əmirov
"Neftçi Arena".
