Yığmamızın kapitanı beşinci dəfə Macarıstan Kubokunu qazandı
Qadın voleybolçulardan ibarət Azərbaycan yığmasının kapitanı Ayşən Abduləzimova Macarıstanda növbəti titulunu qazanıb.
"Mediasport" xəbər verir ki, hücumçu formasını geyindiyi "Vaşaş"la 5-ci dəfə ölkə kubokunu başı üzərinə qaldırıb.
Abduləzimovanın komandası final qarşılaşmasında KNRC-yə 3:1 hesabı ilə qalib gəlib.
Xatırladaq ki, 2021-ci ildən "Vaşaş"da çıxış edən 31 yaşlı voleybolçu Budapeşt təmsilçisi ilə dəfələrlə Macarıstan çempionatının da qalibi olub.
