Yığmamızın Monteneqro ilə matçının hakimləri açıqlandı
Qadın futbolçulardan ibarət Azərbaycan yığmasının aprelin 8-də UEFA Millətlər Liqasında Monteneqro ilə keçirəcəyi oyununun hakimləri açıqlanıb.
"Mediasport" xəbər verir ki, Podqoritsa şəhərində baş tutacaq qarşılaşmanı Andorradan olan hakimlər idarə edəcəklər.
Görüşün baş hakimi Marta San Xuan, yan xətt hakimləri Aynoa Fernandeslə Luis Akosta olacaq.
Dördüncü hakim funksiyasını Antuan Şiaramonti yerinə yetirəcək.
Matç Bakı vaxtı ilə saat 20:00-da başlanacaq.
