AFFA hakimləri təhqir edən klub prezidentinə ağır cəza verdi
AFFA İntizam Komitəsinin iclası keçirilib.
"Mediasport" xəbər verir ki, toplantıda 2-ci Liqa klubu “Hypers Quba” barəsində ciddi cəza qərarları çıxarılıb.
Şimallıların prezidenti Ayaz Abdullayev 19-cu turunun “Ağdaş”la oyunu bitdikdən sonra hakimi təhqir etdiyinə görə 3 oyun şərti olmaqla 5 oyunluq cəzalandırılıb.
Ona 3 aylıq sınaq müddəti təyin edilib.
Komandanın məşqçisi Rəsul Babazadə meydana daxil olaraq hakimi hədələdiyi üçün 2 oyunluq cəza alıb.
Futbolçular - Baxşəli Baxşəliyev ciddi qayda pozuntusuna görə birbaşa qırmızı vərəqə aldığı üçün 2 oyunluq, Xaqan Məmmədov isə ikinci sarıdan qırmızı vərəqə aldığı üçün 1 matçlıq sanksiyaya mərzu qalıb.
Klub ümumilikdə 500 manat cərimə ödəyəcək.
Qeyd edək ki, görüş 3:3 hesabı ilə başa çatıb.
