AFFA İntizam Komitəsi "Kəpəz"ə 3200 manat cərimə kəsdi
AFFA İntizam Komitəsi Kəpəz" 3200 manat cərimə edib.
"Mediasport" xəbər verir ki, Gəncə klubu Premyer Liqanın 34-cü turunun "Sumqayıt"la görüşündə 6 futbolçusunun sarı vərəqə almasına görə 700 manat cərimələnib.
"Sarı-göylər" bundan başqa, azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə 1000 manat , oyun bitdikdən sonra azarkeşləri tərəfindən pirotexniki vasitədən istifadə edildiyinə görə isə 1500 manat ziyana düşüb.
Matç "Kəpəz"in 1:0 hesablı qələbəsi ilə yekunlaşıb.
Turun “Sabah” – “Şamaxı” oyununda isə əsasnamənin tələbləri pozulduğu üçün meydan sahibləri 500 manat cərimə ödəyəcəklər.
