Azərbaycan idmançısı Qış Olimpiya Oyunlarında yarışacaq
Azərbaycan fiqurlu konkisürəni Vladimir Litvintsev 2026-cı ildə İtaliyada keçiriləcək Qış Olimpiya Oyunlarına vəsiqə əldə edib.
"Mediasport" xəbər verir ki, təmsilçimiz buna ABŞ-nin Boston şəhərində təşkil olunan fiqurlu konkisürmə üzrə dünya çempionatında nail olub.
O, qısa və sərbəst proqramda 233,31 xal toplayıb və 39 nəfər arasında 15-ci yeri tutaraq olimpiadada iştirak hüququ qazanıb.
Yarışa qatılan Azərbaycanın digər idmançılarından Nərgiz Süleymanova, həmçinin Samanta Ritter-Daniel Brikalov buzüstü rəqs cütlüyü ümidləri doğrultmayıblar.
Qış Olimpiya Oyunları fevralın 6-dan 26-dək İtaliyanın Milan və Kortina d'Ampetso şəhərlərində keçiriləcək.
