Azərbaycan nümayəndə heyəti "World Athletics" Konqresində
Azərbaycan Atletika Federasiyasının prezidenti Cavid Qurbanov, baş katib Məhərrəm Sultanzadə və mütəxəssis Brandon İsakov sentyabrın Yaponiyanın paytaxtı Tokioda keçirilən "World Athletics" Konqresi və Konvensiyasında iştirak ediblər.
"Mediasport" xəbər verir ki, Konqresdə təşkilatın illik hesabatı təqdim edilib, nizamnaməyə dəyişikliklər, eləcə də kontinental assosiasiyaların hesabatları müzakirə olunub.
Bundan əlavə, atletikanın 2022-2030-cu illər üçün inkişaf planına baxılıb.
Konvensiyada idmanda süni intellektin rolu, xüsusilə istedadların üzə çıxarılması və təlimi, yeni "World Athletics Ultimate" çempionatı (WAUC) turnirinin təqdimatı, rəqəmsal idmanda və virtual iştirakda yeniliklər, həmçinin atletikanın sosial təsiri və əməkdaşlıq imkanlarının genişləndirilməsi dəyərləndirilib.
Xatırladaq ki, Tokioda konqresdən sonra - sentyabrın 13-dən 21-dək atletika üzrə dünya çempionatı keçiriləcək.
