Azərbaycanın 60 boksçusu “Heydər Əliyev Kuboku-2025”də
Sabah Bakıda yeniyetmə oğlan və qız boksçular arasında “Heydər Əliyev Kuboku-2025” beynəlxalq turniri start götürəcək.
"Mediasport" xəbər verir ki, Bakı Boks Mərkəzində keçiriləcək ənənəvi yarışda Azərbaycan, Özbəkistan, Qazaxıstan, Monteneqro, Rusiya, Belarus, Türkiyə və Gürcüstan yığmaları iştirak edəcəklər.
200-dən çox boksçunun qatılacağı turnirdə oğlanların mübarizəsində 14, qızlarda 9 çəki dərəcəsi üzrə qaliblər müəyyənləşəcək.
“Heydər Əliyev Kuboku-2025″in final görüşləri mayın 21-də olacaq.
Azərbaycanı yarışda baş məşqçisi Vaqif Kazımovun rəhbərliyində 60 boksçu təmsil edəcək.
Anar Babanlı turnirin baş hakimi funksiyasını yerinə yetirəcək.
