Avrokuboklarda "Neftçi"nin tarixinə düşən futbolçu ilə yolları ayırdılar
“Neftçi”də növbəti ayrılıq rəsmiləşib.
"Mediasport" xəbər verir ki, paytaxt klubu yetirməsi İsmayıl Zülfüqarlı ilə vidalaşıb.
"Ağ-qaralar" yarımmüdafiəçi ilə müqaviləyə qarşılıqlı razılıq əsasında xitam veriblər.
Qeyd edək ki, əsas komandada 2019/2020 mövsümündə debüt etmiş Zülfüqarlı "Neftçi"də 67 rəsmi oyun keçirib, 4 qol vurub.
O, klubun heyətində avrokubokarda qol vurmuş ən gənc futbolçu kimi də tarixə düşüb.
Zülfüqarlı son iki mövsümü icarə əsasında "Turan Tovuz"da keçirib.
