Polşa klubunun 4 milyon avroluq hücumçusu Azərbaycana gəlir?
Polşanın “Yagelloniya” klubunun hücumçusu Afimiko Pululu karyerasını Azərbaycanda davam etdirə bilər.
"Mediasport" xəbər verir ki, 27 yaşlı forvard ölkəmizdən təklif alıb.
Təmsilçimizin anqolalı üçün 500 min avro ödəməyə hazır olduğu bildirilsə də, klubun adı açıqlanmayıb.
Transfer dəyəri 4 milyon avro olan Pululunun polşalılarla anlaşması mövsümün sonunda başa çatacaq.
O, 2023-cü ildən "Yagelloniya"da forma geyinir.
