“Qarabağ” kimi komanda ilə matçda səhvlər bağışlanmazdır"
“Məğlubiyyətə görə məyusuq. Komanda şəklində toparlana bilmədik. Nəticədə çox sadə qollar buraxdıq".
Bu sözləri "Mediasport"a açıqlamasında "Turan Tovuz"un futbolçusu Ayxan Hüseynov deyib.
26 yaşlı yarımmüdafiəçi Azərbaycan Premyer Liqasının 28-ci turunun "Qarabağ"la ev görüşü haqda fikirlərini bölüşüb. O, 1:4 hesablı məğlubiyyəti belə şərh edib:
“Qarabağ” kimi komandaya qarşı oyunda səhvlər bağışlanmazdır, onlar belə məqamlardan maksimum istifadə edirlər. Bu rəqibə qarşı açıq futbol oynamaq çətindir. Nəticə başqa cür də ola bilərdi. Yaxşı hazırlaşmışdıq, lakin alınmadı".
Hüseynov Tovuz klubunun avrokubok şansları barədə sualı belə cavablandırıb:
"İmkan var, turnir cədvəlində vəziyyətimiz pis deyil. Qalan turlarda maksimum xallar qazanmağa çalışacağıq ki, avrokuboklara vəsiqə əldə edək".
Qeyd edək ki, aktivində 43 xalı olan "Turan Tovuz" avrokuboka vəsiqə verən 4-cü yerdən 5 xal geri qalır.
