"Qarabağ"ın sabiq əməkdaşının rəsmi saytı fəaliyyətə başladı
"Qarabağ" klubunun sabiq əməkdaşı Elmir Kərimovun rəsmi saytı fəaliyyətə başlayıb.
"Mediasport" xəbər verir ki, fotoqrafın şəxsi arxivindən ibarət portal elmirphoto.az adlanır.
Burada izləyicilər 2018-ci ildən idman və sosial sahədə müstəqil fotoqraf kimi fəaliyyət göstərən E.Kərimovun əl işləri ilə tanış ola bilərlər.
Sayt 4 - Azərbaycan, rus, ingilis və portuqal dillərində fəaliyyət göstərir.
Portalın futbol, atletika, boks, güləş, cüdo, şahmat və digər idman növləri bölmələrində müxtəlif yarışlardan çəkilmiş yüksək keyfiyyətli şəkillər yerləşdirilib.
Xatırladaq ki, 2024-cü ildə Azərbaycan Fotoqraflar Birliyi tərəfindən “İlin İdman Fotoqrafı” nominasiyası üzrə təltif olunmuş gənc fotoqraf 5 il Ağdam klubunda çalışıb.
