Yığmamız Ankarada hazırlıq keçdi
Azərbaycanın 13 yaşadək oğlan basketbolçulardan ibarət millisi Türkiyənin paytaxtı Ankarada təlim-məşq toplanışı keçib.
Azərbaycan Basketbol Federasiyasından "Mediasport"a verilən məlumata görə, hazırlıq prosesi noyabrın 9-15-i aralığında baş tutub.
Toplanış zamanı "Türk Telekom", "Çaba Akademi", "Vamos", "Etimesqut", ODTÜ və "Çankaya Universiteti" komandaları ilə yoxlama oyunlarında gücünü sınayan milli 5 matçda qələbə qazanıb.
Xatırladaq ki, U-13 yığmamız 2028-ci ildən beynəlxalq yarışlarda mübarizə aparacaq.
