Yığmamızın 3 üzvü İtaliyada
Azərbaycanın akademik avarçəkənləri İtaliyada keçiriləcək "Paolo De Aloya" xatirə turnirində yarışacaqlar.
Bu barədə "Mediasport"a Azərbaycan Su İdman Növləri Federasiyasından bildirilib.
Aprelin 24-26-da baş tutacaq nüfuzlu beynəlxalq yarışda ölkəmizi üç idmançı təmsil edəcək.
Azər İlyasov, Ziya Məmmədzadə və Nurlan Paşayev akademik avarçəkmə üzrə yığmanın baş məşqçisi Volodimir Morozovun rəhbərliyi altında mükafatlar uğrunda yarışacaqlar.
