Azərbaycan millisinin sabiq futbolçusu "Xankəndi"yə keçdi
AFFA Region Liqasında mübarizəyə başlayan "Xankəndi" heyətini daha bir futbolçu ilə gücləndirib.
"Mediasport" xəbər verir ki, yeni yaradılmış Qarabağ təmsilçisi Azərbaycan U-21 millisinin sabiq üzvü Hüseyn Axundovu transfer edib.
37 yaşlı müdafiəçinin son klubu 1-ci Liqada "Baku Sporting" olub.
Azərbaycanın minifutbol və çimərlik futbolu yığmalarının da formasını geyinmiş Axundov Premyer Liqa və avrokubok təcrübəsinə malikdir.
O, karyerası ərzində MOİK, AZAL ("Şüvəlan"), "Araz Naxçıvan", "Rəvan", "Baku City" və "Füzuli" klublarında çıxış edib.
