Boksçularımız Dünya Kubokuna Qazaxıstanda hazırlaşacaqlar
Kişi boksçulardan ibarət Azərbaycan millisi təlim-məşq toplanışı üçün Qazaxıstana yollanıb.
"Mediasport" xəbər verir ki, Ravşan Xocayevin baş məşqçisi olduğu kollektiv toplanışın ikinci mərhələsini Çimkənddə davam etdirəcək.
13 boksçunun hazırlığı iyunun 12-də başa çatacaq.
Toplanışda əsasən texniki-taktiki məşqlərə üstünlük veriləcək. Hazırlıq çərçivəsində sınaq döyüşləri də planlaşdırılıb.
Təlim prosesi Çində keçiriləcək Dünya Kubokuna hazırlıq xarakteri daşıyır.
