Bu gün 4 idman növü üzrə yarışlar keçiriləcək - III MDB Oyunları
Azərbaycanda ilk dəfə keçirilən MDB Oyunları davam edir.
"Mediasport" xəbər verir ki, bu gün yarışda 4 idman növü üzrə mübarizə olacaq.
Şəkidə çövkən üzrə qızıl medal uğrunda matçda Azərbaycan və Özbəkistan milliləri üz-üzə gələcək.
Şəkidə eyni zamanda bədii gimnastika yarışları davam edəcək.
Gəncə İdman Sarayında qılıncoynatmada növbəti qaliblər müəyyənləşəcək.
Gəncə Olimpiya İdman Kompleksində isə yunan-Roma güləşi üzrə turnirin mükafatçılarının adlarına aydınlıq gələcək.
Oyunlara sabah yekun vurulacaq.
