Azərbaycan yığması Ukrayna millisini qəbul edir - YENİLƏNİR
Bu gün futbol üzrə Azərbaycan milli komandası 2026-cı ildə keçiriləcək dünya çempionatının seçmə qrup mərhələsində növbəti oyununa çıxacaq.
"Mediasport" xəbər verir ki, yığmamız doğma azarkeşlər önündə Ukraynanı qəbul edəcək.
Oyun Tofiq Bəhramov adına Respublika stadionunda, saat 20:00-da start götürəcək. Görüşü yunanıstanlı FİFA referisi Vassilis Fotias idarə edəcək.
Dünən Azərbaycan milli komandasında portuqaliyalı mütəxəssis Fernandu Santuş istefaya göndərildiyi üçün yığmanı bugünkü görüşə U-21-in baş məşqçisi Ayxan Abbasov çıxaracaq.
Xatırladaq ki, Azərbaycan yığması sentyabrın 5-də səfərdə İslandiyaya 5 cavabsız qolla uduzub. Ukrayna isə Fransaya 0:2 hesabı ilə məğlub olub.
DÇ-2026. Seçmə qrup mərhələsi. 2-ci tur
20:00 Azərbaycan - Ukrayna
Baş hakim: Vassilis Fotias
Baş hakimin köməkçiləri: Andreas Meintanas, Mixail Papadakis
Dördüncü hakim: Anastasios Papapetru
VAR hakimləri: Angelos Evangelu, Yoannis Papadopulos
Tofiq Bəhramov adına Respublika Stadionu, Bakı.
