Millimiz Avropa zonasında qrup 2-cisi oldu - Dünya çempionatı
Qadın futbolçulardan ibarət Azərbaycan millisi dünya çempionatının Avropa zonası üzrə seçmə mərhələsində son oyununu keçirib.
"Mediasport" xəbər verir ki, C Liqasının 3-cü qrupunda yer alan komandamız səfərdə Şimali Makedoniya yığması üzərində inamlı qələbə qazanıb.
Lakin qrupda yalnız macarlara uduzan və 12 xal (4 qələbə) toplayan futbolçularımız ən yaxşı 2-ci yerin sahiblərindən biri kimi pley-offa vəsiqə əldə edə bilməyiblər.
Bu, seçmə mərhələnin yekununa əsasən rəsmiləşib.
DÇ-2027. Avropa zonası üzrə seçmə mərhələ. C Liqası, 3-cü qrup. 6-cı tur
Şimali Makedoniya - Azərbaycan 1:3
Qollar: Hava Mustafa, 11 - Krsitina Bakarandze, 8, Manə Mollayeva, 28, Nigar Mirzəliyeva, 37.
Baş hakim: Teona Sturua
Baş hakimin köməkçiləri: Elene Eloşvili, Sopo Tsulaya
Dördüncü hakim: Tamta Şengelia
Bitola, "Petar Miloşevski" stadionu.
