Hidayət Heydərov medalsız qaldı
Birləşmiş Ərəb Əmirliklərinin (BƏƏ) paytaxtı Əbu Dabidə cüdo üzrə "Böyük Dəbilqə" turniri davam edir.
"Mediasport" xəbər verir ki, Azərbaycan təmsilçiləri ikinci yarış günündə də medal qazana bilməyiblər.
73 kq çəki dərəcəsində Olimpiya, dünya və Avropa çempionumuz Hidayət Heydərov 1/8 finalda tacikistanlı Muxiddin Asadulloyevə uduzaraq ümidləri doğrultmayıb.
Eyni çəkidə digər cüdoçumuz Rəşid Məmmədəliyev isə ABŞ-li Stiven Boldbaatara məğlub olub.
Xatırladaq ki, komandamızın heyətində dünən 4 cüdoçumuz medalsız qalıb.
