Millimizin 14 cüdoçusu dünya çempionatında mübarizə aparacaq
Azərbaycanın yeniyetmə cüdoçuları Ekvadorun Quayakil şəhərində keçiriləcək dünya çempionatında iştirak edəcəklər.
"Mediasport" xəbər verir ki, ölkəmiz mundialda 9 çəki dərəcəsində 14 cüdoçu ilə təmsil olunacaq.
Avqustun 20-dən 23-dək təşkil olunacaq yarışda 10 oğlan və 4 qız idmançı mübarizə aparacaq.
Kollektivə yeniyetmə oğlanlardan ibarət yığmanın baş məşqçisi Emin İskəndərov, məşqçi Nicat Şıxəlizadə, yeniyetmə qızlardan ibarət yığmanın baş məşqçisi Elnur İsmayılov və məşqçi Əmrah Əhmədov rəhbərlik edəcək.
Qeyd edək ki, dünya çempionatında 61 ölkədən 459 cüdoçu (242 oğlan, 217 qız) iştirak edəcək.
Qızlar
40 kq
Sunay Salamova
Zəhra Quliyeva
44 kq
Pərvin Sevxanlı
48 kq
Könül Eyvazlı
Oğlanlar
50 kq
Fərid Rzazadə
55 kq
Fərid Xudiyev
İbrahim Talıbov
66 kq
İlkin Qarayev
73 kq
Yusuf Nəzər
Sadiq Məmmədov
81 kq
Ayxan Həsənli
Yaqub Məmmədov
90 kq
Ömər Axundov
Nurəddin Əliyev
