"Turan Tovuz”un avrokuboklarda yeri qorunub saxlanılacaq" - AFFA
AFFA UEFA-nın "Turan Tovuz"u Konfrans Liqasında iştirak hüququndan məhrum etməsi ilə balğı qərarına dair daha bir açıqlama yayıb.
"Mediasport" xəbər verir ki, CAS tərəfindən yekun qərar qəbul edilənə qədər klubun avrokuboklarda nəzərdə tutulan yerinin qorunub saxlanılacağı bildirilib:
“Turan Tovuz” klubunun UEFA Apellyasiya Orqanının 2 iyun 2026-cı il tarixli qərarına əsasən, UEFA Konfrans Liqasının 2026/2027-ci illər mövsümündə iştirak hüququndan məhrum edilməsi barədə qərardan İdman Arbitraj Məhkəməsinə (CAS) müraciət etmək hüququ var.
CAS tərəfindən yekun qərar qəbul edilənə qədər idman prinsipləri əsasında ölkə çempionatında 3-cü yeri tutaraq Konfrans Liqasına vəsiqə qazanmış “Turan Tovuz” klubunun avrokuboklarda nəzərdə tutulan yeri qorunub saxlanılacaq.
Yalnız CAS-ın verəcəyi qərardan sonra növbəti addımlar müəyyən ediləcək".
Qeyd edək ki, CAS "Turan Tovuz"un lehinə qərar çıxarmasa, Azərbaycan Konfrans Liqasında təmsil edəcək digər klub "Zirə" olacaq.
