Elşən Əsədov Avropa Açıq Turnirində qızıl medal qazandı
Azərbaycan cüdoçuları Çexiyanın paytaxtı Praqada Avropa Açıq Turnirinə uğurla başlayıblar.
"Mediasport" xəbər verir ki, ilk gündə 3 təmsilçimiz fəxri kürsüyə yüksəlib.
66 kq çəki dərəcəsində yarışan Elşən Əsədov bütün rəqiblərinə qalib gələrək qızıl medal qazanıb.
Eyni çəkidə Rəşad Yelkiyev gümüş mükafat əldə edib.
73 kq-da yarışan Kamran Süleymanov isə üçüncü yeri tutub.
Millimiz hələlik 1 dəst medalla 38 ölkə arasında ümumi komanda hesabında ikinci pillədə yer alıb.
