Çempionlar Liqası: "Qarabağ" İspaniyada "Atletik"lə qarşılaşır
Azərbaycanın Avropadakı qüruru "Qarabağ" bu gün UEFA Çempionlar Liqasının əsas mərhələsində növbəti oyununu keçirəcək.
"Mediasport" xəbər verir ki, Qurban Qurbanovun baş məşqçisi olduğu komanda qitənin bir nömrəli klub yarışının Liqa mərhələsinin üçüncü turu çərçivəsində "Atletik"in qonağı olacaq.
Bunadək əsas raundda keçirdiyi hər iki iki görüşdə möhtəşəm qələbə qazanan Azərbaycan çempionunun İspaniyanın güclü kollektivi ilə dueli Bilbaodakı "San Mames" stadionunda baş tutacaq.
Xatırladaq ki, baskların iki turdan sonra xalı yoxdur.
UEFA Çempionlar Liqası. Əsas mərhələ. 3-cü tur
20:45 “Atletik” (İspaniya) - “Qarabağ” (Azərbaycan)
Baş hakim: İqor Payaç
Yan xətt hakimləri: Boyan Zobeniça, İvan Mixali
Dördüncü hakim: Zdenko Lovriç
VAR: İvan Bebek (hamısı Xorvatiya)
AVAR: Fedayi San (İsveçrə)
İspaniya, Bilbao, “San Mames” stadionu.
