"Qarabağ"ın yetirməsi Region Liqası klubu ilə müqavilə bağladı
Region Liqasına hazırlaşan yeni yaradılmış "Xankəndi" klubu heyətini gücləndirib.
"Mediasport" xəbər verir ki, Qarabağ təmsilçisi yarımmüdafiəçi Hüseyn Mənəfli ilə anlaşıb.
24 yaşlı futbolçu "Qarabağ"ın yetirməsidir və Ağdam klubunun akademiya komandalarında oynayıb.
Mənəfli "Zirə" və "Hypers Guba"da da forma geyinib.
Qeyd edək ki, AFFA Region Liqasında yeni mövsümün püşkü martın 4-də atılacaq.
