Renat Dadaşov gələndən Polşa klubu məğlub olmur - VİDEO
Azərbaycan yığmasının futbolçusu Renat Dadaşov Polşa Yüksək Liqasında növbəti oyununu keçirib.
"Mediasport" xəbər verir ki, hücumçunun formasını geyindiyi "Radomyak" 25-ci tur çərçivəsində "Leçiya"nı qəbul edib.
Dadaşov Radom təmsilçisinin əzmkar qələbə qazandığı görüşə start heyətdə başlayıb və 86-cı dəqiqədə əvəzlənib - 2:1.
Renatla komanda yoldaşı olan millimizin digər üzvü Rahil Məmmədovun adı yenə iştirak ərizəsinə salınmayıb.
Qeyd edək ki, "Radomyak" Renatın gəlişindən bu yana - 4 oyuna 10 xal toplayıb.
Forvard iki qolla son iki qarşılaşmada komandasına xallar qazandırıb.
Radom təmsilçisi 31 xalla 12-cü pilləyə yüksəlib.
