Hakim qərəzinə toxunan İlham Əliyev "Qarabağ" FK-nı təbrik etdi
Azərbaycan Prezidenti İlham Əliyev "Qarabağ" klubunun UEFA Çempionlar Liqasının VII turunda "Ayntraxt" klubu üzərində 3:2 hesablı qələbə qazanması münasibətilə təbrik edib.
"Mediasport" xəbər verir ki, İlham Əliyev bu barədə sosial şəbəkə hesablarında paylaşım edib.
"Çempionlar Liqasının əsas mərhələsində "Ayntraxt" komandası üzərində parlaq qələbə qazanması münasibətilə Qarabağ futbol klubunu ürəkdən təbrik edirəm! Hakimin qərəzli qərarlarına baxmayaraq, haqq-ədalət öz yerini tapdı.
Birinci dəfə deyil ki, UEFA tərəfindən təyin edilən hakimlər ədalətsiz və qərəzli qərarları ilə Qarabağın qələbə yolunu kəsməyə çalışırlar. Lakin UEFA bunu edə bilməyəcək. Ədaləti və əyilməz ruhu məğlub etmək mümkün deyil. Yaşasın Qarabağ!", - deyə paylaşımda bildirilib.
