Azərbaycan tennisçiləri Türkiyə turnirində 4 medal qazandılar
Azərbaycanın yeniyetmə stolüstü tennisçiləri Türkiyənin Yalova şəhərində keçirilən beynəlxalq turnirdə uğurla çıxış ediblər.
"Mediasport" xəbər verir ki, təmsilçilərimiz yarışda 4 medal qazanıblar.
Vaqif Babayevlə Şakir Qədirov komanda yarışında ikinci, Banu İmanverdizadə ilə Sofiya Trofimenko üçüncü yeri tutub.
Şəxsi mübarizədə isə Vaqif Babayev və Şakir Qədirov (U-15) bürünc mukafata yiyələnib.
Tennisçilərimiz məşqçilər Billurə Eminova və Zakir Cavadovun rəhbərliyi ilə avqustun 8-dən 14-dək Yalovada təşkil olunan beynəlxalq təlim-məşq toplanışına da qatılıblar.
Qeyd edək ki, turnirdə Türkiyə, Qazaxıstan, Rumıniya, Bolqarıstan və Estoniya idmançıları mübarizə aparıblar.
