UEFA Çempionlar Liqasında "Araz-Naxçıvan"ın rəqibləri müəyyənləşdi
Futzal üzrə UEFA Çempionlar Liqası turnirindəki təmsilçimiz "Araz-Naxçıvan" ilkin mərhələdə sonuncu oyununa çıxıb.
"Mediasport" xəbər verir ki, Azərbaycan çempionu "Ljuti Krajişniçi"ni üstələyib (12:3).
Yevgeni Kukseviçin komandası F qrupunda "Sparta Belfast"ı (Şimali İrlandiya) 9:1, PYF-ni (Şotlandiya) 7:2 hesabı ilə məğlub edib.
Beləliklə, "Araz-Naxçıvan"ın əsas mərhələdəki bütün rəqibləri müəyyənləşib.
7-ci qrupda yer alacaq Azərbaycan çempionu "Yunayted Qalati" (Rumıniya), "Differdanj 03" (Lüksemburq) və "Taigers Roermand" (Niderland) klubları ilə mübarizə aparacaq.
Xatırladaq ki, UEFA Çempionlar Liqasının əsas mərhələsinin oyunları oktyabrın 26-dan noyabrın 2-dək təşkil olunacaq.
