"Maksimum nəticə nədirsə, onun üçün çalışacağıq" - Cəfərquliyev
"Çox yaşı komandaya qarşı oynayacağıq. Müəyyən təlimatları almışıq, rəqibi təhlil etmişik".
"Mediasport" xəbər verir ki, bunu Azərbaycan milli komandasının futbolçuus Elvin Cəfərquliyev deyib.
Müdafiəçi DÇ-2026-nın seçmə mərhələsi çərçivəsində bu axşam Polşada üz-üzə gələcəkləri Ukrayna yığması ilə qarşılaşma haqda danışıb.
O, bu gün meydanda sonadək mübarizə aparacaqlarını bildirib:
"Hazırlaşmağa çox vaxtımız yox idi. Amma matça komanda olaraq yaxşı hazırlaşıb, tam konsentrasiya olmuşuq. Maksimum nəticə nədirsə, onun üçün çalışacağıq".
Xatırladaq ki, D qrupunda yer alan komandamız 1 xalla sonuncudur.
