DÇ-2026: Azərbaycan millisi bu gün ilk oyununa səfərdə çıxacaq
Futbol üzrə Azərbaycan milli komandası bu gün 2026-cı ildə keçiriləcək dünya çempionatının seçmə mərhələsinin ilk oyununa çıxacaq.
"Mediasport" xəbər verir ki, D qrupunda yer alan yığmamız səfərdə İslandiyanın qonağı olacaq.
Qarşılaşmanı Niderlanddan olan hakimlər briqadası idarə edəcək.
Azərbaycanın qrupdakı digər rəqibləri Ukrayna və Fransa yığmaları da bu gün Bakı vaxtı ilə saat 22:45-də üz-üzə gələcəklər.
DÇ-2026-nın seçmə mərhələsi. 1-ci tur
22:45 İslandiya - Azərbaycan
Baş hakim: Sander van der Eyk
Baş hakimin köməkçiləri: Rens Blümink və Stefan de Qroot
Dördüncü hakim: Mark Naqteqaal
VAR: Jerön Mansxot
AVAR: Klay Ruperti
"Lauqardalsvollur" stadionu, İslandiya.
