"Söz tapmıram deməyə..."
“Oyuna yaxşı başladıq və ardıcıl 2 top vurduq. Fasiləyə qədər azı 2-3 epizodda da fərqlənə bilərdik".
"Mediasport" xəbər verir ki, bu sözləri futzal üzrə Azərbaycan milli komandasının baş məşqçisi Vitali Borisov deyib.
Mütəxəssis AVRO-2026-nın əsas mərhələsinin İsveç yığması ilə səfər qarşılaşması haqda danışıb.
O, 3:4 hesablı məğlubiyyəti belə şərh edib:
"Birinci hissədəki çıxışdan razı qaldım. Düzdür, onlar da iki qol vurdular. Topu itirdik və əks-hücumda yaxalandıq. İkinci hissədə isə “5-in 4-də” olan zaman müdafiə oluna bilmədik.
Eyni səhvləri təkrarladıq. Bakıdakı oyunda onlar necə qol vurmuşdularsa, burada da onu təkrar etdilər. Halbuki videobaxış zamanı göstərdik, necə oynamalı olduqlarını başa saldıq, məşq prosesində də üzərində işləyirdik.
Söz tapmıram deməyə... Belə deyim də, əlimizdə olan bütün futzalçıları həmin mövqelərdə yoxlamışıq və nəticə ala bilmirik. Bir az da fiziki gücümüz çatmadı. Son 10 dəqiqədə demək olar, fiziki baxımdan çatdırmadıq”.
Qeyd edək ki, komandamız son turda Bakıda qrup lideri Xorvatiyanı qəbul edəcək.
|
1 |
Xorvatiya |
4 |
4 |
0 |
0 |
19-6 |
12 |
|
2 |
Yunanıstan |
4 |
2 |
1 |
1 |
9-6 |
7 |
|
3 |
İsveç |
5 |
1 |
1 |
3 |
12-19 |
4 |
|
4 |
Azərbaycan |
5 |
0 |
2 |
3 |
12-20 |
2 |
