Avropa çempionatı: Azərbaycan millisi Türkiyə yığması ilə üz-üzə
19 yaşadək futzalçılardan ibarət Azərbaycan millisi bu gün Avropa çempionatının əsas mərhələsinin qrupunda sonuncu oyununu keçirəcək.
"Mediasport" xəbər verir ki, İlqar Aslanovun çalışdırdığı yığma Türkiyə futzalçıları ilə qarşılaşacaq.
Görüş Bakı vaxtilə saat 19:00-da başlanacaq.
Qrupun matçları Xorvatiyanın Omiş şəhərindəki Ribnyak İdman Sarayında keçirilir.
Qeyd edək ki, komandamız ilk turda Bosniya və Herseqovinaya 2:10 hesabı məğlub olub, meydan sahibləri ilə bərabərə qalıb (3:3).
