DÇ-də ilk gün: Azərbaycanın bir güləşçisi finala vəsiqə qazandı
Bakıda start götürən güləş üzrə U-17 dünya çempionatında ilk gün arxada qalıb.
"Mediasport" xəbər verir ki, mübarizəyə qoşulan 5 yunan-Roma güləşçimizdən biri finala, ikisi bürünc medal görüşünə vəsiqə qazanıb.
80 kq çəki dərəcəsində yarışan İsfahan Həsənov sabah çempionluq uğrunda yarışacaq.
Ömər Salmanov (48 kq) və Orxan Həbibli (65 kq) 3-cü yer üçün güləşəcək.
Emin Baxşəliyev (110 kq) təsnifatda, Qurban Məcnunov (55 kq) isə 1/8 finalda uduzub.
Xatırladaq ki, avqustun 2-dək keçiriləcək mundialda Azərbaycan ümumilikdə 29 güləşçi ilə təmsil olunacaq.
