İngiltərə, Almaniya, İtaliya klublarının oyunçuları Bakıya gəlir
Martın 27-də AVRO-2027-nin seçmə mərhələsinin B qrupunun 8-ci turu çərçivəsində Bakıda U-21 milli komandamızın qonağı olacaq Portuqaliya yığmasının heyəti açıqlanıb.
"Mediasport" xəbər verir ki, baş məşqçi Luis Frayre Azərbaycana 23 futbolçu ilə səfər edəcək.
Heyətdə üç qapıçı yer alacaq.
Qapıçılar: Andre Qomeş (“Alverka”), Qonçalu Ribeyru (“Portu”), Joau Karvalyu (“Braqa”);
Müdafiəçilər: Daniel Banjaki, Rodriqo Reqo (hər ikisi “Benfika”), Dioqu Monteyru (“Aroka”), Qabriel Bras (“Portu”), Joau Munyeş (“Sportinq”), Leonardo Barrozu (“Çikaqo Fayr”, ABŞ), Tyaqo Qabriel (“Leççe”, İtaliya), Tyaqo Parente (“Felgeyraş”);
Yarımmüdafiəçilər: Dieqo Rodriges (“Braqa”), Dioqu Souza (“Vitoriya” Gimaraynş), Qonçalu Moreyra (“Benfika”), Qustavo Sa, Matias de Amorim (hər ikisi “Famalikan”), Joau Simoeş (“Sportinq”);
Hücumçular: Karlos Forbes (“Brügge”, Belçika), Mateus Mane (“Vulverhempton”, İngiltərə), Noa Saviolo (“Vitoriya”), Rodriqo Ribeyru (“Auqsburq”, Almaniya), Rojer Fernandeş (“Əl İttihad”, Səudiyyə Ərəbistanı), Yussef Ramalyo Şermiti (“Reyncers”, Şotlandiya).
“Palms Sports Arena”da keçiriləcək görüş saat 15:00-da start götürəcək.
Xatırladaq ki, sentyabrda komandalar arasında Portuqaliyada baş tutan dueldə rəqib 5:0 hesablı qələbə qazanmışdı.
