Millimizin 22 cüdoçusu Avropa Kubokunda mübarizə aparacaq
Azərbaycan cüdoçuları Xorvatiyanın Dubrovnik şəhərində keçiriləcək Avropa Kubokunda iştirak edəcəklər.
"Mediasport" xəbər verir ki, aprelin 5-6-da baş tutacaq yarışda ölkəmiz 22 idmançı ilə təmsil olunacaq.
Kişilər arasında Murad Muradlı, Elbrus Zamanov (hər ikisi 60 kq), Kamran Süleymanov, Eltac Yusifli, Bəhram Qurbanlı, Qasım Vəlizadə (hamısı 66 kq), İbrahim Əliyev, Aydın Rzayev, Nəriman Mirzəyev (hamısı 73 kq), Kərim Allahverdiyev (81 kq), Məmmədrza Hacızadə və Murad Fətiyev, Vüqar Talıbov və İbrahim Ağakişiyev (90 kq) gücünü sınayacaq.
Qadınların yarışında Aydan Vəliyeva, Gültac Məmmədəliyeva (hər ikisi 52 kq), Fidan Əlizadə (57 kq), Südabə Ağayeva, Günel Həsənli, Aytac Qardaşxanlı (hamısı 70 kq), Nərmin Əmirli (78 kq) və Nigar Süleymanova (+78 kq) mübarizə aparacaqlar.
Turnirdə 41 ölkə iştirakını təsdiqləyib.
