Yığmamız Avropa çempionatında Şimali Makedoniyaya da uduzdu
19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirib.
"Mediasport" xəbər verir ki, B Liqasının 5-ci qrupunda yer alan yığma dünən hava şəraitinə görə təxirə salınan matçda Şimali Makedoniya futbolçularına uduzub - 1:3.
“Mladost” stadionunun meydançasının yararsız vəziyyətə düşdüyündən görüş Qoran Pandev Məşq Kompleksində təşkil edilib.
Xatırladaq ki, komandamız qrupun ilk duelində Sloveniyaya da məğlub olmuşdu (0:2).
Yığmamızın son qarşılaşması dekabrın 1-də Gürcüstan seçməsinə qarşı olacaq.
