Ali futbol qurumu Rusiya klubları ilə bağlı yekun qərarını açıqladı
Rusiya klubları və milli komandaları 2027-ci ilin yayına qədər UEFA-nın çətiri altında keçiriləcək yarışlarda iştirak edə bilməyəcək.
"Mediasport" xəbər verir ki, bu barədə qərar yeni sezon üçün iştirakçıların siyahısına dəyişiklik edilərkən verilib.
Nəticədə, qurum Rusiya təmsilçilərinin futbol üzrə beynəlxalq turnirlərdən kənarlaşdırılması ilə bağlı qərarı qüvvədə saxlayıb.
Rusiya UEFA sıralamasında 28-ci pillədə qərarlaşıb. Qaydalara görə, bu ölkəni 4 klub avrokuboklarda təmsil edə bilərdi.
Xatırladaq ki, Rusiya klubları və milli futbol komandaları 2022-ci ilin fevralından FİFA ilə UEFA-nın himayəsi altında keçirilən turnirlərdə iştirakdan kənarlaşdırılıb.
