Afrika Millətlər Kubokunda hər iki finalçı komanda müəyyənləşdi
Mərakeşin ev sahibliyi etdiyi futbol üzrə Afrika Millətlər Kubokunda finalçılar müəyyənləşib.
"Mediasport" xəbər verir ki, yanvarın 18-də baş tutacaq həlledici qarşılaşmada meydan sahibləri Seneqal yığması ilə üz-üzə gələcəklər.
Seneqal kollektivi yarımfinalda Misir yığmasından üstün olub (1:0).
Digər finalçı Mərakeş futbolçuları əsas və əlavə vaxtı 0:0 hesabı ilə başa çatan dueldə Nigeriyanı penaltilər seriyasında məğlub ediblər.
Turnirin bürünc mükafatı uğrunda görüş isə yanvarın 17-də Misir və Nigeriya milliləri arasında olacaq.
